Amours de 1552-1553 (extraits)

XXVII
Bien mille fois et mille j'ay tenté
De fredonner sus les nerfz de ma lyre,
Et sus le blanc de cent papiers escrire,
Le nom, qu'Amour dans le cuoeur m'a planté.
Mais tout soubdain je suis espovanté,
Car sa grandeur qui l'esprit me martyre
Sans la chanter arriere me retire
De cent fureurs pantoyment tourmenté.
Je suis semblable à la prestresse folle,
Qui bégue perd la voix et la parolle,
Dessoubz le Dieu qu'elle fuit pour neant.
Ainsi picqué de l'Amour qui me touche
Si fort au cuoeur, la voix fraude ma bouche,
Et voulant dire en vain je suis béant.

  Courte chronologie

Renseignements sommaires