Amours de 1552-1553 (extraits)

XXII
Cent et cent foys penser un penser mesme,
A deux beaulx yeulx montrer à nud son cuoeur,
Se desoyfver d'une amere liqueur,
S'aviander d'une amertume estresme:
Avoyr la face amoureusement blesme,
Plus souspirer, moins fleschir la rigueur,
Mourir d'ennuy, receler sa langueur,
Du vueil d'aultruy des loix faire à soy mesme:
Un court despit, une aimantine foy,
Aymer trop mieulx son ennemi que soy,
Peindre en ses yeulx mille vaines figures:
Vouloir parler et n'oser respirer,
Esperer tout et se desesperer,
Sont de ma mort les plus certains augures.

  Courte biographie

Renseignements sommaires