Amours de 1552-1553 (extraits)

CCXIX
Si hors du cep où je suis arresté,
Cep où l'Amour de ses flesches m'encloue,
J'eschape franc, et du ret qui m'ennoue
Si quelquefoys je me voy desreté:
Au coeur d'un pré loing de gents escarté,
Que fourchument l'eau du Loyr entrenoue,
De gazons verdz un temple je te vouë,
Heureuse, saincte et alme Liberté
Là, j'appendray le soing, et les ennuiz,
Les faulx plaisirs, les mensonges des nuictz,
Le vain espoyr, les souspirs, et l'envie:
Là touts les ans je te pairay mes voeux,
Et soubz tes pieds j'immoleray cent boeufz,
Pour le bienfaict d'avoyr saulvé ma vie.

  Courte chronologie

Renseignements sommaires